رمضان اسنه دى هيغير حياتك ازاى؟يلا ياشباب ورونا الهمه

السلام عليكوا يا شباب
كل سنه وانتوا طيبين رمضان على الابواب
طبعا احنا شباب زى الورد وكل واحد فينا عارف فشل الشهر العظيم الى داخلين عليه
الى فيه الفريضه بسبعين فريضه
يعنى تعالوا نحسبها 70*5(خمس صلوات فى اليوم يعنى )
بكام؟350 اضربوها فى 30 (عدد ايام الشهر)
ب 10500
يعنى فى شهر واحد اخدت 10500 حسنه والحسنه بعشر امثالها
احسبوها انتوا كدا كتير عليا
خدوا بالكوا الحسبه كبرت بالصلاة الفرائض فقط فما بالكوا بالنوافل والصيام وقراءة القراءن والزكاة واعمال الخير الى لازم تزيد فى رمضان
مش هتكلم زيدة عن كدا عن فضل واهميه وقيمه الشهر دة
اكيد هنعمل توبيكات على الموضوع دة
انما موضوعى الى قاصدة اتكلم فيه
هو .احنا ازاى هنغير من نفسنا رمضان السنه دى
هنعمل ايه عشان نتقرب من ربنا
هنعمل ايه عشان نبعد عن الفساد الى عايشين فيه دلوقتى
والسؤال دلوقتى هل كل واحد ناوى يستغل رمضان كنقطه بدايه لحياه جديدة
حياه بجد ترضى ربنا
حياة انسان مؤمن صح بربنا؟
يلا عاوزة اشوف كل واحد ناوى يعمل ايه
يمكن كل واحد لما يقول نيته يفكر التانين الحاجات الى غايبه عنه وياخد ثواب
يلا مستنيه

بالظبط يا سامر الله ينور عليك
بس شكل شباب المنتدى نايم السنه دى
انتوا فين

احنا موجدين يا نوجا
اولا حمد لله على سلامتك وحشتينا جدا
ثانيا بالنسبة ليا ناويه فى رمضان السنه دى يكون بداية جديده فى حاجات كتير
يعنى مثلا صلاة قيام الليل حتى لو ركعتين بس
وقراءة القرآن يوميا ولو صفحه فى اليوم
انا الحمد لله بعد رمضان الى فات بطلت اسمع اغانى
وان شاء الله رمضان السنة دى يكون بداية جديده
ثالثا دى شويه حاجات ممكن نعملها مع بعض فى رمضان باذن الله
نبدأ بالسهل الاول
مثلا نبتسم فى وجه كل الناس بنية ان تبسمك فى وجه اخيك المسلم صدقه
ممكن كمان الكلمه الطيبه يعنى مثلا لو بتشترى حاجه من محل مثلا قول للبائع شكرا
او لما نقابل اصحابنا مثلا نقولهم كلام كويس كده يفرحهم
بنيه برضه الكلمة الطيبة صدقه
طبعا غض البصر للبنات والولاد
اماطه الاذى عن الطريق
ولازم مش نستقل الحاجات دى يا جماعه
الحاجات البسيطه دى احنا بنقدمها لربنا وممكن تكون سبب فى دخولنا الجنه مع بعض باذن الله تعالى
الحاجه البسيطه دى عند ربنا كبير باذن الله
اذكر الله عشان ربنا يذكرك
يعنى مثلا وانت طالع على السلم او اى مكان عالى قول الله اكبر
و واحنا نازلين نقول سبحان الله
ونكثر من الصلاه على رسول الله صلى الله عليه وسلم
اكيد صلاة التراويح طبعا مهمه
ونحاول نبعد عن المسلسلات شويه
نشوف مثلا برامج دينيه مش هقول كلها نقول برنامج او اتنين
طبعا بر الوالدين
وقراءة القرآن الكريم
الصلاة فى المسجد
حاجات كتييييييييييييير اوى
عمل الخير طبعا
فى جمعيات خيريه كتير بتعمل شنط رمضانيه وكده ممكن نشارك فيها لو نقدر
بس طبعا اهم حاجه ان احنا ندعى ربنا يثبتنا بعد رمضان
وندعى باخلاص
ولازم نكزن من جوانا مقتنعين اننا نقدر نثبت بعدر رمضان
لازم نكون عباد ربانين مش عباد رمضانين
ومن ترك شيئا لله عوضه الله
ان شاء الله ربنا يكرمنا ويجعلنا باذن الله من عتقائه من النار فى شهر رمضان
شكرا نوجا على الموضوع الجامد جدا

جزاكى الله خيرا يا هبه
بجد فكرتينى بحاجات هعملها هاغشها مناك